Nyoni Nyonia Nyone

By Ngũgĩ wa Thiong'o

Rũrũ nĩ rũgano rwa kĩrĩu

Rũrũ nĩ rũgano rwa magegania

Rũrũ nĩ rũgano rwĩ na gĩkeno

Rũrũ rũgano rwĩ na ngunyĩrĩrĩ

Nĩ rũgano rwa Abirika itũ

Rũgano rwa mũndũ mũirũ

Rũgano rwa gwĩkũwa na gwĩkũngũĩra

Rũgano rũgũtũma twĩhũge na twĩhũgũre

Rũgano rũratũria twĩtiire na twĩtĩye na citũ

Rekei tũmbũke na Mfuachuma

Rekei atũtware ng'endoinĩ cia kwĩyonera

Rekei twĩmenyere maingĩ marĩa tũtoe

Rekei atũhithũrĩrie hitho iria itũire i hithe

Hitho iria igũtũma twĩrore rĩngĩ twĩmenye wega

Hitho iria igũtũma twĩtiire na twĩtĩye na bũrũri witũ

Hitho iria igũtũma tũgarũrĩre mĩthiĩre na mĩkinyũkĩrie itũ

Ũtonga wa Abirika ũtongie Abirika

Ũtonga wa thiomi citũ ũtũme ithomithie Abirika

Ũtonga wa meciria maitũ ũtũme macarie Abirika itũ

Mĩikarĩre itũ tũmĩkũrie ĩnoore na ĩnorie mĩoyo itũ

Njiarwa na njiarwa, tene na tene

Rĩu nĩ tũmbũke rĩerainĩ na Mfuachuma

Na tũkĩũmbũka nake, na ithuĩ twĩyugĩre:

Nyoni nyonia nyone

• Format: Paperback
• Language: Kikuyu
• ISBN: 9966561919
• ISBN13: 9789966561916
• Release Date: May 2017
• Publisher: East African Educational Publishers
• Length: 62 Pages
• Weight: 0.19 lbs.
• Dimensions: 0.1" x 5.8" x 8.3"