ምሩጽ ምስላታት ኤርትራ [Tigrinya]

By Ahferom Tewelde

ምስላ፡ ዳርጋ ኣብ ኩሉ ቋንቋታት ዓለም ከም ግምጃ ኣፋዊ ያታታትን ስነ ጽሑፍን፡ ኣብ ዘመናት ዝማዕበለን ዝተዘውተረን ኣገዳሲ ባህላዊ ውርሻ ስለ ዝኾነ፡ ከም ላቔባ ብወዝቢ ዝመጽእ ክኸውን ኣይክእልን እዩ።

ምስላ፡ ሰብኣዊ ቋንቋታት ብባህሪኡ ከም ስውያን ባህላዊ ውርሻን ዘማዕብሎን ልዑል ክብሪ ሂቡ ዘዘውትሮን ስለ ዝኾነ ከኣ፡ ዘይንጸል ህያው ኣካል ባህልን ብህለትን ምዃኑ የረጋግጽ። ኣብ ኩሉ ቋንቋታት፡ ምስላ ከም ባህላዊ ብሂል መሰረታዊ ተመሳሳልነት ስለ ዘለዎ፡ ካብ ቋንቋ ናብ ቋንቋ ንታሪኽን ባህልን ኣከባብን ዘንጸባርቕ ናይ ኣቀራርባን ተምሳሌትን ፍልልያት'ኳ እንተለዎ፡ በበይኑ ልብሲ ተኸዲኑ ሓባራዊ መልእኽቲ ስለ ዘመሓላልፍ፡ ብትሕዝቶኡን መልክዑን ተመሳሳሊ እዩ። ስለዚ ከኣ'ዩ ትርጉምን መልእኽትን ምስላ፡ ዶብ ባህልታትን ቋንቋታትን ሰጊሩ ከስተጋብእን ተቐባልነት ክረክብን ዘይጽገም።

ምስላ፡ ተመክሮን ምህሮን ህይወት ተሰሪቡ ብጥበብ ዝግለጸሉ ኣዝዩ ሓጺርን ተዘካርን ዕንቊታት ልቦናን ማዕዳን ዝሓዘለ ብሂላት እዩ። እዚ ማለት፡ ምስላ፡ ንልቦና፡ ፍትሒ፡ ጻዕሪ፡ ዓመጽ፡ ስስዐ፡ ቅንዕና፡ ሕያውነት፡ ወዘተ ዝኣመሰለ ኣድማሳዊ ቴማታት ዝምልከት፡ ብግዜ ከይበለየ ዘስተንትን፡ ዘለዓዕል፡ ዝምዕድ መልእኽቲ ሓዚሉ፡ ብውሕሉል፡ ክንየው ፊደላዊ ትርጉሙ ስውጠት ህይወት ዝጾረ ዓሚቚ ሓሳባት ዝገልጽ፡ ውቁብን ኣንጸባራቕን ሓረግ እዩ። ከም'ቲ ሓደ ደራሲ ዝበሎ፡ ምስላ፡ ነዊሕ ተመክሮ ዝወልዶ ውሑድ ዝተመርጸ ቃላት ስለ ዝኾነ፡ ኣብ ታሪኽ ደቂ ሰብ ንዝማዕበለን ዝተዋህለለን ሓባራዊ ክብርታትን ትዕዝብትታትን፡ ማለት፡ ሓባራዊ ሰብኣዊ ሓቅታት፡ ንምስምዑ ባህ ብዘብል ሓጺርን ውሕሉልን ሓረጋት ስለ ዝገልጽ፡ ኣብ ሰብኣዊ ብህለት ከም ጸዋሪ ልቦናን ማዕዳን ዕዙዝ ተራ ኣለዎ። ኣብ ርእሲ'ዚ ምስላ መብዛሕትኡ ግዜ፡ ብዝተመርጸ ሒደት ቃላት ረምታን ሳምራ&

• Format: Paperback
• Language: Tigrinya
• ISBN: 9994801856
• ISBN13: 9789994801855
• Release Date: December 2025
• Publisher: Hdri Publishing
• Length: 238 Pages
• Weight: 0.71 lbs.
• Dimensions: 0.5" x 6.0" x 9.0"