IḌ AΓezfan [French]

By Akli Ait Boussad

Ammud-agi Iḍ aɣezfan yettekka ɣer tmedyezt n tmeḍrit, d ayen i ixulfen ayen nennum deg tmedyezt taqbaylit, d aɣanib amaynut ama deg wayen yeɛnan isental, neɣ taɣessa, yefka-yas udem-nniḍen, Akli Ayt Bussaɛd yerreẓ leqyud n tmedyezt tamensayt, yufa lebɣi-s deg tɣessa tilellit, iḍerref akkin tilisa, ɣas ulac tameɣrut, afir ur yeɛdil d gma-s, anya yella, yal awal s lmizan, s lmeɛna. Ammud-agi d tibḥirt yal asefru d tajeǧǧigt, yal tajeǧǧigt s rriḥa-s, s yini-ines.

Akli Ayt Bussaɛd yessefra akk ɣef temsal n yilemẓi s umata, d yisental n tmetti, gar yifyar ad naf taddukkli n tidet, leḥbab n ukellex, yemla-yaɣ amek ara nḥemmel, ɣas tikkwal tayri qessiḥet, tesseggra-yaɣ-d timsirin, yemla-yaɣ ad nidir lawan, ad nfaṛes ddunit, ad tt-nqazem mi ara aɣ-d-tebges s yiɣeblan-is, ad d-naf assaɣen gar twacult: tayemmat, ababat, tagmat... yessawel i tlelli n tmeṭṭut, iwakken ad tezwi ayen akk tesfeḍ tmetti ɣur-s, ɣas ma tikkwal d acqirrew, d tuzzma i tt-yezzem ɣef ccwami i d-teǧǧa deg wul n urgaz.

Tikkwal yemzer d kem-(k-)yesru, akken yezmer daɣen ad kem-(k-)yessefreḥ, acku lebɣi-s ad yaweḍ ɣer wul n yal amdan d ilemẓi, d tameṭṭut, d amaɣar, neɣ win leɛmer yeɣri ula d awal, mačči kan d asdawan, neɣ ilaq ad yili d amussnaw akken ad yegzu anamek n usefru. Asmi yebɣa ad d-yessuffeɣ ammud-agi yedda deg lebɣi i wid i t-iḥemmlen, ɣas ma tudert n tmedyezt deg tmenna, deg useḍru-ines, adlis-agi ad tt-yeḥrez, ad d-yeqqim am tecraḍ ɣef uglim, ad kem-(k-)id-yesmekti s ccfawat i icebḥen, yir ccfawat ad uɣalent d timsirin.

Ammud-agi mi ara d-yeɣli gar yifassen-im(-ik), ad d-temlileḍ d ccbaḥa, ɣas ma tifulka n yal asefru tella deg taɣect n umedyaz mi ara t-id-yeqqar, aẓawan i as-iferren, ifassen yetturaren, allen ara yeɣren isebtar-agi ad ččarent ul s uḥulfu.

• Format: Paperback
• Language: French
• ISBN: B0FHBQL9X1
• ISBN13: 9798289635426
• Release Date: July 2025
• Publisher: Independently Published
• Length: 140 Pages
• Weight: 0.37 lbs.
• Dimensions: 0.3" x 5.5" x 8.5"